Мултимедијален настан за поддршка на Младинска банка Штип
Младинската банка Штип во склоп на неделата на промоција организира мултимедијален настан кој ќе се одржи во Дом на млади, на 14.06.2012 со почеток од 20:00 часот.
Настанот ќе започне со проекција на кратки филмови, ќе продолжи со настап на штипски рок-бендови и ќе заврши со настап на DJ-ите Ezop и TeckTone.
Младинската банка Штип прибира средства од локалните донатори и потоа ги враќа назад во заедницата во форма на мали грантови кои ќе бидат наменети за финансирање на проекти за решавање на проблемите на младите во Штип. Така и во овој случај, средствата собрани од билетите ќе бидат наменети за Фондот за деца и млади.
Ги повикуваме граѓаните да земат учество во настаните кои ги организира Младинската банка Штип. Воедно им заблагодаруваме на сите кои ќе земаат учество, и на институциите кои се вклучија во поддршката на настаните.
Last modified: 06.04.2017
