„Младите во фокусот на Градот – Градот во фокусот на младите“
Фондацијата за развој на локалната заедница Штип во рамки на проектот Младинска Банка на 23.11.2013 (сабота) организира настан за прибирање на средства.
Настанот под мотото „Младите во фокусот на Градот – Градот во фокусот на младите” ќе се оддржи во Дом на млади со почеток од 20:30 часот и ќе опфати изложба на фотографии од Штип и музички настап на локални музичари и диџеи. Средствата собрани од влезниците ќе бидат наменети за Фондот за деца и млади.
Проектот „Младинска банка Штип” има за цел да ги охрабри младите од Штип да се вклучуваат во иницијативи за унапредување на сите сфери на општествениот живот.
Младинската банка Штип прибира средства од локалните донатори и истите ги враќа во заедницата во форма на мали грантови, наменети за решавање на проблеми на младите. Целиот процес е воден и дизајниран од младите луѓе кои најдобро ги познаваат своите потреби и приоритети, почнувајќи од лоцирањето на ресурсите во зедницата, приоретизирање на проблемите, организацијата на настани за прибирање на средства и доделување на истите. Учеството на возрасните е ограничено единствено на поддршка и консултации во процесот.
На настанот ќе бидат промовирани информативните видеа за Младинската Банка кои исто така можат да се видат на сервисот на следниве линкови:
http://www.youtube.com/watch?v=LR865khnGcQ
http://www.youtube.com/watch?v=mD_3yADKDiU
http://www.youtube.com/watch?v=WdU3O2WkvhQ
Last modified: 06.04.2017
