Прва сесија на граѓански буџетски форум во Струмица
Општина Струмица во соработка со Центарот на заедницата на општина Струмица на 18.11.2016 (петок) со почеток во 18.00 часот во Дом на АРМ – Струмица ќе ја одржат првата сесија во рамките на Граѓанскиот буџетски форум.
Целите на форумот се зголемување на учеството на граѓаните во процесот на носење на Буџетот на Општината и зголемување на транспарентноста на општината.
Присутните граѓани ќе имаат можност да ги проследат и да дискутираат за планираните програми и проекти за 2017 г. за Општина Струмица, како и да предлагаат проекти во програмите за 2017 година.
Граѓанските форуми во општина Струмицa ги имплементира Фондацијата за развој на локалната заедница Штип со финансиска поддршка од Фондацијата Отворено општество – Македонија (ФООМ), во рамки на Концептот „Општина по мерка на граѓаните“, кој ФООМ го спроведува во партнерство со Општина Струмица.
Доколку Ви се потребни информации Ве молиме побарајте не’ на тел. 034/334-117 или на е-маил tankica.taukova@ccstrumica.mk.
Last modified: 06.04.2017