Проектот „Младинска банка Штип“ има за цел да ги охрабри младите од Штип да се вклучуваат во иницијативи за унапредување на сите сфери на општествениот живот.
Функционира како координативно тело – комитет од 12 претставници на младите во заедницата, во кое сите имаат еднакво право на искажување на сопствените ставови и убедувања.
Младинската банка Штип прибира средства од локалните донатори и истите ги враќа во заедницата во форма на мали грантови, наменети за решавање на проблеми на младите. Целиот процес е воден и дизајниран од младите луѓе кои најдобро ги познаваат своите потреби и приоритети, почнувајќи од лоцирањето на ресурсите во зедницата, приоретизирање на проблемите, организацијата на настани за прибирање на средства и доделување на истите . Учеството на возрасните е ограничено единствено на поддршка и консултации во процесот.
Неделава од 11 до 16 јуни е посветена на промоција на Младинската банка Штип. Промоцијата е составена од неколку настани на кои ќе се прибираат средства и ќе се анимираат различните групи во заедницата. Со неделата на Младинската банка настојуваме да ја зајакнеме свеста кај граѓаните и кај претставниците на бизнис заедницата за можноста за решавање на проблеми преку донирање во заедницата.
Програмата за неделата на промоција на Младинска банка Штип опфаќа:
– Турнир во мал фудбал 12 и 13 јуни 2012
– Мултимедијален настан 14 јуни 2012
– Театарска претстава 16 јуни 2012
Ги охрабруваме сите граѓани особено младите да се вклучат во настаните за поддршка на Младинската банка Штип.
Last modified: 06.04.2017