Извештај од следењето на трошењето на јавните пари во општина Штип во 2012 година
Спроведувањето на проектот „Поддршка на центри на заедницата“ имплементиран од ФРЛЗ Штип а поддржан од ФООМ резултираше со извештај во кој се прикажани актуелните практики во спроведувањето на јавните набавки на локално ниво како и предизвиците и препораките за унапредување на постапките и за доследна примена на Законот за јавни набавки.
Главните наоди од истражувањето направено на неколку локални институции се однесуваат на:
• Најчест критериум за доделување договор на фирмите во 2012 година е „најниска цена”;
• 31% од анкетираните фирми не се задоволни од образложението на институциите за донесената одлука за најповолен понудувач;
• Поништени се 19% од постапките за јавни набавки спроведени во 2012 година во Штип;
• За 34% од огласите за набавките, тендерската документација била достапна на ЕСЈН;
• Е-аукција е предвидена за 95% од огласите за набавки во текот на 2012 година, а реално, електронски се лицитирало за 55% од набавките;
• Институциите, согласно ЗЈН, навремено доставуваат евиденција до ЕСЈН за т.н. мали набавки, односно, за потрошените пари за набавките до 5.000 евра;
• Слаба е достапноста на огласите за јавните набавки на веб-страниците на институциите.
Користената методологија, деталниот приказ од наодите со заклучоците и препораките можете да ги најдете во извештајот.
Last modified: 06.04.2017